PASEO MARÍTIMO
O paseo marítimo da Vila de Cedeira transcorre dende o final da praia da Magdalena, na zona de San Isidro, ata o porto. Un longo paseo para poder desfrutar a pé da fermosura deste pobo. Durante o traxecto observarase a praia da Magdalena e a súa área recreativa, o parque da Revolta e Praza da Constitución, a Praza Roxa, os xardíns da rúa dos Mariñeiros, a “Muller Peixeira”o antigo peirao, a praia de Arealonga e xa, para culminar, o actual porto pesqueiro cedeirés, coa lonxa traballando ser descanso e o Castelo da Concepción observando dende a Punta de Sarridal. En definitiva, gozarase de multitude de zonas cun encanto especial.
PASEO FLUVIAL
O entorno do Río Condomiñas, o cal atravesa a Vila de Cedeira ata desembocar na ría, é un dos lugares favoritos de veciños e visitantes de todas as idades para pasear ou facer deporte polo casco urbano da Vila.
Paseando polas marxes do río pódese desfrutar da natureza e de fermosas vistas, ademais de observar “as dúas Cedeiras” existentes, dependendo do lado do río ó que se mire: á dereita encóntrase o casco vello, de rúas estreitas e rodeado na antigüidade por unha muralla; na marxe esquerda, a nova Cedeira, moderna e organizada en torno á praia da Magdalena e as vías de entrada e saída da Vila.
Ao longo do paseo que discorre nas marxes do río, desfrutaremos da compaña das ocas, patos e cisnes brancos e negros que poboan o río. Sen dúbida, o seu lugar favorito é o “Parque dos Patos” ou “Parque do Romeiro”, sempre á espera (sobre todo as ocas) de que algún paseante bondadoso lles regale algún petisco. Os maiores terán neste parque un lugar perfecto para poder exercitarse, xa que se trata dun parque biosaudable, dotado de diferentes aparellos de ximnasia. Tanto o parque coma o paseo fluvial en xeral son unha zona ideal para a relaxación e mesmo a lectura, con bancos dispostos ó longo de todo o espazo.
O entorno do río Condomiñas é tamén un bo espazo para a observación de distintas especies de aves migratorias e paxaros que dispoñen neste río dunha zona de refuxio, como garzas, corvos mariños ou correlimos.
Ao adentrarse no paseo, a paisaxe cambia por completo, e os edificios e vivendas practicamente desaparecen para dar paso á flora e fauna autóctonas da Vila.
Localización: 43.664115, -8.051954
PARQUES E XARDÍNS
A Vila de Cedeira conta con numerosos parques e xardíns onde os nenos poden xogar cos seus amigos e facer outros novos, ou mesmo desfrutar de divertidos momentos cos seus pais ou avós. Lugares perfectos para descansar, ler, manter conversas relaxadamente, respirar aire puro, tomar os raios de sol, admirar as vistas … En definitiva, para pasar un rato agradable.
Situada en pleno centro do casco urbano sobre unha zona areeira que non era outra cousa que a prolongación da propia praia da Magdalena. Hoxe en día é o lugar onde teñen lugar (ou rematan nel) a gran maioría dos espectáculos multitudinarios que acontecen ao longo do ano ao aire libre na Vila de Cedeira: concertos e demais espectáculos, feiras, competicións deportivas (puntos de saída/chegada e entrega de premios), concursos, etc.
Ademais de parque infantil, conta cun gran espazo no que poder xogar e pasear, bancos para descansar e abundantes establecementos de hostalaría e tendas.
Localización: 43.660610, -8.054462
Un auténtico tapón para o sistema dunar, amplísima e cada vez máis concorrida, que discurre en paralelo ao areal do mesmo nome, na que se atopa unha pista multiusos, circundada por un graderío ou anfiteatro.
Trátase dun amplo espazo de recreo, cun extenso xardín, parques infantís, parque biosaudable e unha praza de grandes dimensións (Praza da Constitución) dotada de bancos, baños públicos e árbores e atravesada polo río Condomiñas xusto na súa desembocadura na praia da Magdalena. Forma parte do paseo marítimo e localízase na parte traseira dun amplo tramo da praia antes mencionada. Tamén nesta praza teñen lugar moitos eventos, principalmente na temporada estival, como festivais, feiras e as grandes actuacións musicais das festas patronais. Nos arredores hai diferentes locais de hostalaría.
Localización: 43.656523, -8.051958
Situada sobre o que no seu día se asentaba o Parque Pista Floreal, de merecida sona en toda a bisbarra.
Trátase dun espazo coqueto e recollido, no que tamén se realizan actividades de lecer en momentos puntuais do ano, sobre todo durante o verán.
Conta con parque infantil, pista de baloncesto, bancos e zonas axardinadas.
Localización: 43.660522, -8.052201
Tamén coñecido como “Parque dos Patos”, sitúase ó final da rúa Ortigueira, dando comezo ó Paseo Fluvial do río Condomiñas. Trátase dunha zona cun encanto inigualable no que un, ademais de descansar nun banco á sombra dunha árbore ou exercitarse no seu parque biosaudable, pode disfrutar da compaña de ocas, patos e cisnes que teñen nesta área o seu fogar. Conta tamén cun espazo de observación de aves, un merendero e baños públicos.
Localización: 43.664072, -8.051954
Situada ao longo de dita rúa, é un dos máis recentes de Cedeira (non ten máis de 30 anos). Localizado en terreos antes marítimos, no que poden contemplarse preciosas vistas da Praia da Magdalena e a desembocadura do Río Condomiñas.
Constitúe o punto de partida do camiño ó porto e está rodeado por numerosos establecementos de hostalaría.
Localización: 43.659579, -8.056519
