1 DÍA

Se non tes moito tempo para estar en Cedeira, o primeiro é recorrer o casco da nosa Vila.

O primeiro lugar que recomendamos visitar, por suposto é a Oficina de turismo, onde o visitante ten acceso a toda a información sobre Cediera. A oficina atópase ubicada no Palacete Municipal e en moitas ocasións dispón tamén de interesantes mostras e exposicións.

Unha vez recollida toda a información, iniciase o percorrido a pé polo Paseo Marítimo ao longo da Praia da Magdalena. pasando pola praza Roxa, para cruzar o Río Condomiñas ata o Casco Vello. Trátase dun casco hirtórico con estreitas rúas de trazado medieval e fermosas galerías de adeira e pedra labrada.

Un bonito xeito de coñecelo, é seguir a Ruta das Portas da Vila (Porta da Vila, Porta das Cartas, Porta de Rebordelo e Porta de Ribeira ou do Areal).

Unha vez realizado o percorrido polo casco vello, recomendase seguir camiñando polo porto ata a Praia de Arealonga.

Dando un paseo polo Camiño de Arealonga, chegamos ao Museo Mares de Cedeira na casa do pescador. O Museo Mares de Cedeira é unha iniciativa cultural museística para poñer en valor o traballo dos homes e mulleres do mar, favorecer que se coñezan os seus medios de traballo e difundir a cultura mariñeira.

Tras visitar a Vila de Cedeira, a tarde hai que pasala visitando San Andrés de Teixido, e Vixía de Herbeira, cunha sorpresa final para a posta do sol. Benvido á Galicia máxica.

Xa antes de chegar a Santo André, a poucos metros, atopámonos co Mirador Chao do Monte.

Unha vez en San Andrés é o momento de desfrutar das vistas, da paisaxe, da flora e da fauna autóctonas, da capela do século XVIII, mercar Sanandresiños, lavar as mans na fonte do santo e buscar “Herba de namorar” e “xuncos de ben parir”.

Logo da visita a San Andrés, continuamos cara os acantilados de Vixía de Herbeira, os acantilados con maior cota sobre o nivel do mar da Europa continental. No camiño, preto de San Andrés, atopamos o Mirador do Cruceiro, onde pode verse a placa que lembra que nese punto faleceu Leslie Howard (Ashley no clásico do cine “Lo que el viento se llevó”).

Unha vez no mirador dos acantilados, no punto máis alto, atopamos a “Vixía de Herbeira”, unha construcción de pedra de principios do século XIX, que forma parte dos postos de vixiancia costeira e marítima da costa.

Ao finalizar a visita, ainda hai que desfrutar dunha derradeira vista máxica de Cedeira: A posta do sol dende o Mirador de San Antonio de Corveiro, que destaca polas impresionantes vistas da ría de Cedeira, rodeada de acantilados, unha das mellores da nosa vila. Os atardeceres do mes de agosto dende San Antonio son famosos na comarca.

Nas seguites ligazóns, pode ver a información completa sobre as visitas e actividades recomendadas:

IR Á LIGAZÓN Información sobre oficina de turismo

IR Á LIGAZÓN Información sobre praias de Cedeira

IR Á LIGAZÓN Información sobre Museo Mares de Cedeira

IR Á LIGAZÓN Información sobre miradores

IR Á LIGAZÓN Información sobre Vixía de Herbeira

IR Á LIGAZÓN Información sobre San Andrés de Teixido

IR Á LIGAZÓN Información sobre gastronomía local

IR Á LIGAZÓN Axenda de actividades

2 DÍA

Para que non esqueza nunca os máis bonitos segredos da nos aterra, o mellor é percorrela a pé, porque a zona da Capelada garda moitas máis sopresas máis aló da capela de Santo André de Teixido.

Coñecer a Serra da Capelada a pé e descubrir o seu patrimonio xeolóxico está o alcance de todos aqueles que o desexen coas 4 Xeorutas propostas:

  • Xeoruta do Granate:
  • Xeoruta das praias negras
  • Xeoruta dos cantís
  • Xeoruta do cromo

Hai variedade segundo a temática que interese,a dificultade, a duración ou a idade mínima.

Rutas que permiten coñecer a que está considerada como a única praia de area negra non volcánica do planeta, ou tocar rochas que hai millóns de anos se atopaban a 70 km de profundidade ou no fondo dun antigo océano, ou ollar a presenza dunha salientable falla que corta toda a Serra da Capelada.

Para aqueles que se decidan polas rutas máis longas (do granate e praias negras) recomendamos levar algo de comida que poderá degustar contemplando as preciosas vistas.

Se prefire preparar a súa ruta por libre, pode realizar calquera das rutas recomendadas polo Club Montaña Ferrol (Ruta dos Peiraos, Ruta dos Carrís, Ruta das Barrosas, Ruta de Freixido, Ruta do Cal de Liñares e Camino Teixido), ou buscar rutas alternativas en Wikiloc.

De volta na vila, recomendamos iniciar a tarde no Paseo fluvial do río Condomiñas. Trátase dun espazo natural, refuxio de paxaros e aves migratorias, que permite desfrutar da riqueza natural da nosa Vila. Nesta zona pode disfrutarse tamén das instalacións do Parque do Romeiro.

Logo de realizar o percorrido polo río, o visitante pode seguir desfrutando do ambiente nas prazas e xardíns da vila como a Praza Roxa, o Parque da Revolta ou a preciosa Praza do Floreal.

Nas seguintes ligazóns, ten toda a información necesaria para programar as actividades deste día:

IR Á LIGAZÓN Información sobre Xeorutas

IR Á LIGAZÓN Información sobre Cedeira en ruta

IR Á LIGAZÓN Información sobre paseo fluvial

IR Á LIGAZÓN Información sobre parques e xardíns

IR Á LIGAZÓN Enlace a Wikiloc

IR Á LIGAZÓN Información sobre gastronomía local

IR Á LIGAZÓN Axenda de actividades

3 DÍA

Ninguén pode marchar de Cedeira sen visitar o Faro de Punta Candieira ou o do fin do mundo. Encóntrase a uns oito quilómetros do centro de Cedeira, e accédese a través dunha estrada estreita, empinada e chea de curvas pronunciadas, Recomendamos realizar o tramo final andando, para desfrutar do privilexiado lugar no que se atopa este faro, que é un dos poucos en Galicia no que ainda vive o fareiro (a volta andando é fatigosa, pero pero sen dúbida, paga a pena).

No camiño de volta á vila e no desvío para o mirador de San Antonio, chegamos ao Castelo da Concepción.

O Castelo é unha fortaleza do século XVIII que alberga un centro de interpretación que pode visitarse durante todo o verán.

A construcción, distribuida en varias explanadas a diferentes niveis, chegou a contar cunha guarnición duns 30 soldados e dispoñer de ata 15 cañóns, algúns dos cales ainda se conservan na fortaleza.

Nas inmediacións, no coñecido como Campo do Castro, realízase na actualidade unha cata no xacemento datado aproximadamente entre o século antes e despois de Cristo; Conta con dúas murallas e dous fosos defensivos nos que xa se atoparon cerámica castrexa e unha sigillata (cerámica fina) romana.

Trala visita ao Castelo, pode seguirse o sendeiro que leva ao Faro da Punta Sarridal e desviándose á esquerda, baixando unhas escaleiras, chegamos a Cala de Sonreiras, de augas cristalinas e espectacular paisaxe, un espectáculo da natureza.

Encóntrase nas inmediacións das antigas cetarias, agora reconvertidas nunha especie de piscinas bañadas con augas do Atlántico, que engaden se cabe, máis beleza ao lugar.

Tamén dende aquí poden contemplarse incribles postas de sol.

Además, pode contemplarse tamén o seguinte destino proposto, o Faro Robaleira.

Para chegar ao Faro da Robaleira, pode realizarse o paseo andando ou, realizar a primeira parte en coche ata a praia.

Desde o centro da vila, e pola costa, chegar ata o final da Praia da Magdalena, subir a pequena e empinada pista que aparece, e seguir o desvío da dereita, adentrándonos un par de kilómetros nun pequeno bosque de carballos, helechos, castiñeiros e eucaliptos; seguindo a sinalización, chégase ata o Faro.

Nas inmediacións do Faro ao longo do camiño boscoso, pode tomarse un desvío para visitar tamén a Cala das Burbullas (só visible con marea baixa).

Nas seguintes ligazóns, ten toda a información necesaria para programar as actividades deste día:

IR Á LIGAZÓN Información sobre Faros de Cedeira

IR Á LIGAZÓN Información sobre Castelo da Concepción

IR Á LIGAZÓN Información sobre praias de Cedeira

IR Á LIGAZÓN Información sobre gastronomía local

IR Á LIGAZÓN Axenda de actividades